Uppskriftir | vinotek.is | 7. mars

Parmesankjúklingur

Ofnbakaður kjúklingur er alltaf vinsæll. Þessi parmesankjúklingur krefst þess þar að auki ekki að maður standi yfir pottunum lengi.

600 g beinlaus kjúklingur, bringur, læri eða lundir, Skorið í strimla
2 laukar, saxaðir
3 msk fínsaxaður hvítlaukur
2,5 dl rjómi
150 g Parmesan, rifinn
2-3 tsk krydd, t.d. timjan/rósmarín/salvía
ein lúka söxuð basillauf
smjör og olía
salt og pipar

Hitið smjör og olíu saman á pönnu og mýkið laukinn og hvítlaukinn þar til að hann fer að taka á sig lit. Það er gott að byrja á lauknum og bæta hvítlauknum við eftir 2-3 mínútur. Þegar laukurinn er orðinn vel gullinn er hann tekinn af pönnunni og geymdur.

Bætið smá olíu á pönnuna og steikið kjúklingastrimlana. Saltið, piprið og kryddið með kryddum að ykkar smekk. Þegar kjúklingurinn er að verða tilbúinn er um 1 dl af vatni bætt út á pönnuna til að hreinsa upp skófarnar (ennþá betra er að nota hvítvín ef þið eigið það til).

Setjið kjúklinginn ásamt vökvanum úr pönnunni í ofnfast form og laukinn ofan á. Blandið saman rjóma og parmesan og hellið yfir.

Setjið í 200 gráðu heitan ofn og eldið í um 35-40 mínútur. Sáldrið söxuðu basillaufunum yfir áður en borið er fram með hrísgrjónum og salati.

Hér er gott að hafa Chardonnay-vín með t.d. frá Gérard Bertrand.

Fjölmargar fleiri kjúklingauppskriftir má svo sjá hér.

Sjá einnig vinotek.is

Tabasco kjúklingur “butterfly”

00:00 Þetta er eldheitur kjúklingur í anda Mið-Ameríku þar sem Tabasco-magnið er talið í matskeiðum en ekki dropum. Farið þó varlega til að byrja með. Það er alltaf hægt að bæta aðeins Tabasco við en það er ekki hægt að taka það í burtu. Meira

Spænskt chorizo-pasta

í gær Pasta er eitthvað sem að við tengjum yfirleitt við ítalska matargerð. Hér eru það hins vegar spænsku áhrifin sem eru allsráðandi en uppskriftina fundum við á lista yfir “bestu pasta-uppskriftir í heimi”. Og það verður að segjast eins og er að góð er hún. Meira

Lime-marineraðar kótilettur

16.6. Lime, fiskisósa og chili gefa þessum grilluðu lambakótilettum asískt yfirbragð og hunangið tryggir smá sætu í bland við sýruna. Meira

Belgískar vöfflur með bláberjasósu

16.6. Belgískar pönnukökur eru bæði góðar og flottar á borði. Þessa uppskrift fann ég á netinu og voru þær sagðar vera hinar “einu sönnu” belgísku vöfflur og við tókum því á orðinu. Mér sýnist helsti munurinn á milli venjulegra vafflna og þeirra belgísku liggja í því að eggjahvíturnar eru þeyttar í belgísku vöfflunum. Ég gerði þessa bláberjasósu með vöfflunum sem var rosalega góð með þeim og rjómanum Meira

Gómsætt guacamole

14.6. Þessi mexíkóski smáréttur er tilvalinn sem forréttur/ídýfa í veislu eða sem meðlæti með mexíkóskum réttum. Við höfum áður verið með upp uppskrift af guacamole en gerum það hér með svolítið öðruvísi hætti. Meira

Óreganó-kjúklingur “butterfly”

13.6. Það er eitthvað svo Miðjarðarhafslegt við óreganó og sítrónu en sú blanda á afskaplega vel við grillaðan kjúkling. Einhver besta leiðin til að grilla kjúkling er að skera hann í “butterfly”. Meira

Rúlluterta með rjóma og jarðaberjum

13.6. Þetta er sumarleg rúllurterta með vanillurjóma og jarðaberjum. Það er auðvitað hægt að nota hvaða ber eða ávexti sem er í staðinn fyrir jarðarberin. Meira