Víndómar | vinotek.is | 22. desember

Concha y Toro Trio 2009

Trio-línan frá Concha y Toro er eins og nafnið gefur til kynna þrenning. Í sumum tilvikum er um að ræða blöndu af sömu þrúgu frá þremur ekrum. Hér eru það hins vegar þrjár þrúgur sem mynda þrenninguna, allar ræktaðar í Casablanca-dalnum, þar sem aðstæður til hvítvínsframleiðslu eru hvað bestar í Chile.

Blandan er svolítíð sérstök, þrúgurnar Chardonnay, Pinot Grigio og Riesling. Og allar ná þær í gegn í víninu. Maður sveiflast á milli þykktarinar í Pinot Grigio, hinnar arómatísku Riesling og fersku Chardonnay. Vínið ferskt, með sætum þykkum ávexti, nokkuð sítrusmikið en þó í ólíkum útgáfum, sætum, jafnt sem ferskum lime- og greipávexti, einnig apríkósur. Skemmtilegt vín.

1.999 krónur. Góð kaup.

4.0 stjörnur

Sjá einnig vinotek.is

Sierra Salinas Mo 2009

25.5. Mo Monastrell frá vínhúsinu Bodegas Sierra Salinas í Alicante hefur um nokkurt skeið verið með allra bestu kaupunum í sínum verðflokki. Það besta er hins vegar að vínið hefur batnað töluvert með hverju árgangi undanfarið, ekki síst vegna þess að Sierra Salinas dró í kjölfar alþjóðlegu fjármálakreppunnar úr framleiðslu á dýrustu vínunum en jók á móti framleiðsluna á Mo - með þrúgunum sem ella hefðu farið í dýru vínin. Meira

La Granja Tempranillo Garnacha 2010

24.5. La Granja 360 er vín sem kemur frá spænska héraðinu Carinena í norðausturhluta landsins. La Granja þýðir bóndabýli á spænsku, vínið er hins vegar sveitalegt og nútímalegt í senn. Meira

Valdibella Ariddu Grillo 2010

24.5. Valdibella er vínhús með heillandi sögu. Lítill hópur vínbænda á vesturhluta Sikileyjar sem tók sig saman og myndaði vínsamlag með það að markmiði að framleiða lífrænt ræktuð vín er endurspegla heimaslóðirnar. Meira

Carmen Chardonnay 2011

22.5. Þetta hvítvín frá Carmen í Chile er mjög dæmigert fyrir þann stíl sem Chile hefur tileinkað sér í Chardonnay-vínum. Meira

Perrin Cotes du Rhone Villages 2010

22.5. Perrin-fjölskyldan rekur rótgróið víngerðarhús í Rhone í Suður-Frakklandi, sem þekktast er fyrir Chateauneuf-vínið Beaucastel. Ódýrari vín þeirra Perrin-bræðra standa hins vegar einnig fyrir sínu. Meira

Roda 1 Reserva 2006

20.5. Vínhúsið Roda er ekki bara eitt besta vínhús Rioja heldur hefur það jafnframt sterka Íslandstengingu í gegnum eigandann Mario Rotlant, sem hefur lengi verið með helstu saltfisksinnflytjendum Spánar og haslaði sér jafnframt fyrir ekki svo löngu völl í íslensku viðskiptalífi með kaupum á Vífilfelli. Meira

Valdibella Jaki Nero - Cabernet 2009

20.5. Valdibella er samyrkjubú tíu sikileyskra bænda sem allir stunda lífræna ræktun á þrúgunum sínum. Þetta rauðvín er blanda til helminga úr sikileysku þrúgunni Nero d'Avola og hinni frönsku Cabernet Sauvignon. Vínið hefur dökka angan með sólberjum og plómum, léttkryddaða. Nero meira áberandi í upphafi en síðan tekur Cabernet völdin og verður ríkjandi, stífur, sýrumikill og sólberjaríkur. Ágætlega þétt, hreinn ávöxtur. Meira

Cloudy Bay Chardonnay 2008

10.5. Allt frá því að Cloudy Bay var stofnað í Wairau-dalnum í Marlborough á Nýja-Sjálandi árið 1985 hefur Cloudy Bay verið eitt fremsta vínhús landsins og er í hugum margra eitt helsta tákn nýsjálenskra gæðavína. Meira

La Granja 360 Syrah 2010

6.5. La Granja 360 er vín sem kemur frá spænska héraðinu Carinena í norðausturhluta landsins. La Granja þýðir bóndabýli á spænsku, vínið er hins vegar sveitalegt og nútímalegt í senn. Þetta er hreint Syrah-vín sem ekki hefur komið í neina snertingu við eik og nær að endurspegla einkenni afskaplega vel. Meira

Carmen Gran Reserva Cabernet Sauvignon 2009

1.5. Þetta rauðvín frá Carmen er ólíkt mörgum chilenskum Cabernet-vínum, þyngra, svolítið kalifornísk í stílnum í stað þess að vera með áberandi myntu og sólberjaávöxt líkt og er svo dæmigert fyrir Chile. Meira

Gerard Bertrand Muscato 2010

1.5. Muscat-þrúgan hefur verið ræktuð öldum saman í Suður-Frakklandi og er til að mynda algeng í sætum, styrktum vínum. Þetta er hins vegar ferskt og nútímalegt vín sem víngerðarmennirnir hafa sniðið að bragðlaukum nútímans. Meira

Crin Roja Tempranillo 2010

24.4. Þetta spænska rauðvín varð á skömmum tíma eitt mest selda spænska rauðvínið á Íslandi. Verðið skiptir þar örugglega miklu máli en ekki síst í ljósi þess hvað það kostar kemur vínið líka þægilega á óvart. Meira