Marta María Jónasdóttir
martamaria@mbl.is

Yesmine Olsson er á fullu að taka upp næstu seríu af matreiðsluþáttum sínum fyrir RÚV. Hún tók sér hins vegar pásu frá upptökum til að koma og prófa „dumplings“ á nýja asíska veitingastaðnum NAM (Nútíma Asísk Matargerð) sem opnaði fyrir helgi á N1 á Bíldshöfða. Þar var einmitt fjöldi vina og velunnara mættur til að fagna opnuninni með starfsfólki og eigendum NAM.

Í opnuninni hitti Yesmine fyrir landa sinn, sænska meistarakokkinn Alex Sehlstedt, en hann á heiðurinn af matseðlinum á NAM. Matseðillinn er blanda af nýtískulegum asískum réttum til að taka með eða borða á staðnum.