Marta María Jónasdóttir
martamaria@mbl.is

Selma Björnsdóttir ljómaði eins og sólin á frumsýningu Eldhafs í Borgarleikhúsinu á fimmtudagskvöld.

Eldhaf var frumsýnt á Nýja sviðinu en það er magnað og spennuþrungið leikrit um harmleik fortíðarinnar sem teygir sig inn í nútímann. Verkið hefur notið mikilla vinsælda erlendis og hafa íslenskir leikhúsaðdáendur beðið spenntir eftir verkinu enda uppselt á 13 fyrstu sýningarnar. Jón Páll Eyjólfsson leikstýrir verkinu en Hrafnhildur Hagalín þýddi það.

Unnur Ösp Stefánsdóttir, Guðjón Davíð Karlsson, Lára Jóhanna Jónsdóttir, Bergur Þór Ingólfsson, Birgitta Birgisdóttir, Þórir Sæmundsson og Jörundur Ragnarsson fara með hlutverk í leikritinu.