Í gær var haldið glæsilegt boð úti á Granda í tilefni þess að veitingastaðurinn The Coocoo's Nest er eins árs og sömuleiðis átti eigandi veitingastaðarins, Íris Ann Sigurðardóttir, þrítugsafmæli.

Gestir gátu gætt sér á gómsætum kokteilum og veitingum langt fram á kvöld en m.a. var boðið upp á ís frá ísbúðinni Valdís. Það setti skemmtilegan svip á afmælisveisluna að gestum veislunnar stóð til boða að láta mála andlit sitt og létu flestir til skarar skríða.