Oft hefur verið sagt að allir Íslendingar gangi með bók í maganum. Það á allavega við um Sigurjón Ólafsson, höfund bókarinnar um vefinn. Útgáfu bókarinnar var fagnað í Eymundsson á dögunum og er þetta fyrsta bók sinnar tegundar á Íslandi. Hugsmiðjan gefur bókina út ásamt Sigurjóni.

Bókin um vefinn er hugsuð sem handbók fyrir þá sem sinna vefstjórn, reynda vefstjóra sem og nýliða í vefumsjón. Vonast er til þess að sjá sem flest áhugafólk um vefmál til að fagna þessum áfanga með Sigurjóni og samstarfsaðilum hans í útgáfunni Hugsmiðjunni og Iðnú bókaútgáfu.