Gleðin var við völd í Tjarnarbíói þegar leiksýningin Eldhúsið var sýnt af Jo Strømgren Kompani sem stofnað var 1998 í Noregi. Leikhópurinn er einn þekktasti sjálfstæði leikhópur Skandinavíu. Verkið segir frá eldri manni og lítilli stelpu, sem eru afar ólík, en þau sameinast þegar þau finna autt hús.
Þau vilja bæði búa í húsinu en það er óljóst hver var fyrri til að finna það. Upphefst galsafullur leikur um það hver á réttinn til að búa í húsinu. Geta þau kannski bara mögulega búið þar bæði?
Leiksýningin Eldhúsið var sett saman árið 2012 og er fyrsta sýning Jo Strømgren sem er sérstaklega ætluð börnum og hentar fullkomlega fyrir aldurinn 5-12 ára. Fólk á öllum aldri getur þó skemmt sér þar sem húmorinn er lúmskur.