Læknaneminn og tónlistarmaðurinn Ragnar Árni Ágústsson frumsýndi sitt fyrsta tónlistarmyndband á Læknaminjasafninu á Seltjarnarnesi í gærkvöldi. Lagið heitir Leiðin og er lag og texti frumsamið af Ragnari. 

Friðfinnur Sigurðsson útfærði lagið, Frosti Rúnarsson gerði myndband og Carmen Jóhannsdóttir stýrði framleiðslu.

Ragnar Árni Ágústsson er uppalinn á Seltjarnarnesi. Hann hóf tónlistarnám í Tónlistarskóla Seltjarnarness 6 ára og valdi sér saxafón sem aðalhljóðfæri 8 ára. Þegar námi í Tónlistarskóla Seltjarnarness lauk lá leiðin í Tónlistarskóla FÍH og útskrifaðist hann þaðan árið 2011. Einnig stundaði hann nám við Berklee Collage of Music í Boston.

Ragnar hefur leikið á saxófón með ýmsum tónlistarmönnu t.d. með SJS Big Band Bubba, og Hjálmum.

Ragnar hefur einnig fengist við að semja kvikmyndatónlist og síðast fyrir myndina Fort Buchanan, sem sýnd hefur verið á kvikmyndahátíðum víða um heim og á MOMA í New York.