Borgarnes iðaði af lífi þegar Landssamband sjálfstæðiskvenna hélt sitt árlega golfmót á Hamarsvellinum. Tæplega 100 konur voru þátttakendur í mótinu og brostu þær flestar hringinn ef marka má myndirnar. Bjarni Benediktsson formaður Sjálfsstæðisflokksins heiðraði skvísurnar með nærveru sinni.
Leikin var Stableford-punktakeppni, 18 holur, með forgjöf. Leikið var í tveimur flokkum, 0-28 og 28, 1-40. Veitt voru verðlaun fyrir 5 efstu sætin í hvorum flokki. Ein fyrir besta brúttó skor í höggleik. Nándarverðlaun voru veitt og sérstök verðlaun voru veitt fyrir lengsta teighögg á 5 braut og sigurvegarinn ber sæmdarheitið „Sjálfstæðissleggjan 2015“ næsta árið. Í var einnig valin vatnadrottning, skvísa mótsins og sérstök verðlaun fyrir leik í pilsi.
Sjálfstæðissleggjan í ár er Ágústa Arna Grétarsdóttir. Í fyrsta sæti, punktar án forgjafar var einnig Ágústa Arna Grétarsdóttir. Nándarverðlaun voru veitt á fjórum brautum og þau hlutu Guðríður Stefánsdóttir tvöfalt, Geirþrúður Sólveig og Petrea Ingibjörg Jónsdóttir. Að keppni lokinni var boðið upp á skemmtilegheit og snæddur var kvöldverður yfir verðlaunahafhendingunni sem fram fór á Icelandair Hotels, Hótel Hamri.