Bleika boðið var haldið með pompi og prakt í Hafnarhúsinu Listasafni Íslands í gærkvöldi. Kvöldið byrjaði með blysför við höfnina á bak við Hafnarhúsið þar sem 52 einstaklingar kveiktu í blysum.  

Skemmtiatriði kvöldsins voru ekki af verri endanum. Glimmergoðið Páll Óskar skemmti gestum ásamt Íslenska dansflokknum, Glowie, Amabadama, Bryndísi Ásmundsdóttur og Sirkus Íslands. Auk þess var boðið upp á tískusýningu frá Bestseller og Loreal. Kynnar kvöldsins voru vinkonurnar Ragnhildur Steinunn Jónsdóttir og Sigrún Ósk Kristjánsdóttir.