Augnablikið sem beðið hafði verið eftir

Sonnettubók Kristjáns Þórðar Hrafnssonar, Jóhann vill öllum í húsinu vel og fleiri sonnettur, kom út árið 1997 og öðlaðist strax miklar vinsældir. Síðan þá hafa margir beðið eftir því að frá Kristjáni Þórði kæmi önnur sonnettubók. Það urðu því fagnaðarfundir í Máli og menningu á Laugavegi þegar Tveir Elvis Presley aðdáendur og fleir sonnettur kom út. Eins og sést á myndunum var mikil stemning í loftinu.

Næsta skáldverk Kristjáns Þórðar sem kemur fyrir almenningssjónir er kvikmynd sem Óskar Jónasson kvikmyndaleikstjóri hefur gert upp úr leikriti hans Fyrir framan annað fólk, en leikritið var frumsýnt í Hafnarfjarðarleikhúsinu árið 2009 og var höfundur tilnefndur fyrir það til Grímunnar - íslensku leiklistarverðlaunanna. Kristján Þórður og Óskar skrifuðu handrit kvikmyndarinnar í sameiningu upp úr leikritinu. Myndin var tekin upp nú í ár og er nú á eftirvinnslustigi. Frumsýning er áætluð fyrri hluta árs 2016.