Björk Eiðsdóttir ritstjóri MAN mætti með kærastann, Karl Ægi Karlsson doktor í taugalífeðlisfræði, á frumsýningu Lokaæfingar í Tjarnarbíó. Lokaæfing er eftir Svövu Jakobsdóttur og er sett upp af Háaloftinu. Það fjallar um hjón á fertugsaldri sem loka sig af vikum saman niðri í heimatilbúnu neðanjarðarbyrgi. Fullkomin einangrun afhjúpar tilveru þeirra og smám saman mást út mörk raunveru og ímyndunar. Hvað eru þau að æfa?

Tinna Hrafnsdóttir leikstýrir verkinu en Þorsteinn Bachmann, Elma Lísa Gunnarsdóttir og Kristín Pétursdóttir fara með aðalhlutverk. Aðstoðarleikstjórn er í höndum Arnmundar Ernst Backman og Stígur Steinþórsson gerði leikmyndina. Una Stígsdóttir gerði búningana og Sveinn Geirsson sá um tónlistina.