Eitt af betri partíum ársins er jólaboð bókaútgáfunnar Forlagsins. Það var haldið á föstudagskvöldið við mikinn fögnuð. Eitt af því sem vakti athygli var að vinsælasti rithöfundur þjóðarinnar, Arnaldur Indriðason, mætti í partíið. Hann er ekki mikið fyrir partístand, les aldrei upp úr bókum sínum og veitir sjaldan viðtöl. Hann var hinsvegar hinn hressasti í þessu teiti og virtist skemmta sér vel.