Sigríður Björk bauð í partí

Það var aldeilis mikið stuð í Salt eldhúsi í gær þegar Sigríður Björk Bragadóttir bauð í teiti til að fagna eigendaskiptunum. Sigríður Björk er að láta af störfum sem ritstjóri Gestgjafans en hún festi nýlega kaup á Salt eldhúsi af Auði Ögn Árnadóttur. Salt eldhús heldur ein flottustu matreiðslunámskeiðin í bænum og aðstaðan alveg fantagóð og smekkleg. 

Ekki skemmir útsýnið fyrir en Salt eldhús er staðsett á efstu hæði í húsi sem stendur við Þórunnartún í Reykjavík. 

Boðið var upp á fantagóðar veitingar í gær og helstu goðin úr matreiðsluheiminum létu sig ekki vanta líkt og Nanna Rögnvaldar matreiðslubókarhöfundur og Sólveig Baldursdóttir, fyrrverandi ritstjóri Gestgjafans.