Í gær 29. júní voru liðin 20 ár frá því að fyrsta flugáhöfn Íslandssögunnar í atvinnuflugi, einungis skipuð konum, fór í loftið og flaug hún á Fokker 50 frá Reykjavík til Akureyrar. Myndin hér fyrir neðan var tekin á Akureyri af því tilefni.

Til að fagna að 20 ár voru liðin frá þessu fyrsta kvenkyns flugi bauð Sigríður Einarsdóttir flugstjóri áhöfninni heim. Auk þess bauð hún kvenflugmönnum hjá Icelandair heim til sín. Sigríður sagði í boðinu að þær væru allar brautryðjendur hver á sinn hátt því einungis 10% af flugmönnum Icelandair eru konur eða 46 af um 460.