Jakob Frímann og Birna Rún á RIFF

Jakob Frímann Magnússon miðborgarstjóri og Stuðmaður mætti með sinni huggulegu eiginkonu, Birnu Rún Gísladóttur viðskiptafræðingi, í Háskólabíó í gær þar sem Alþjóðleg kvikmyndahátíð í Reykjavík, RIFF, var sett. Sundáhrifin heitir myndin en Sólveig Anspach heitin vann myndina 2014 og 2015 eða á meðan hún var að berjast við veikindi sem leiddu hana til dauða.

Sundáhrifin fjallar um Samir sem sem er ástfanginn af sundkennara sínum sem heitir Agathe. Myndin gerist bæði á Íslandi og í Frakklandi en hann heltir hana til Íslands þar sem hann verður fyrir rafstraumi og missir minnið.

Sundáhrifin hrifu gesti RIFF og eins og sést á myndunum var mikil gleði í Háskólabíói við þessa hátíðlegu athöfn.