Forseti Íslands Guðni Th. Jóhannesson var heiðursgestur á Kótelettukvöldi Samhjálpar sem fram fór í kvöld. Hann hélt hjartnæma og einlæga ræðu um hversu lánsamur hann er í lífinu og sló á létta strengi. 

Kvöldið er helsta fjáröflunarleið Samhjálpar. Kótelettukvöldið var haldið í Súlnasal á Hótel Sögu og var Guðni Ágústsson veislustjóri. Gleðin var við völd og var boðið upp á fantagóð skemmtiatriði og svo voru kóteletturnar náttúrlega guðdómlegar á bragðið en þær voru bornar fram með kartöflum, sultu, grænum baunum, rauðkáli og bráðnu smjöri.