Það var kátt á hjalla þegar útkomu bókarinnar Eldhús grænkerans var fagnað á KEX. Í bókinni eru 120 girnilegar uppskriftir að ljúffengum grænmetisréttum við öll tilefni. Réttirnir henta öllum og er bókin tilvalin fyrir þau sem vilja meiri fjölbreytni í eldamennsku sinni og auka vægi grænmetisrétta á matarborði fjölskyldunnar.

Í bókinni er sérstakur kafli um vegan-hráefni fyrir þau sem eru græn í gegn og flesta réttina má gera vegan á einfaldan hátt. Að auki má finna fjölda góðra ráða um nýtingu og mikil áhersla er lögð á að bera virðingu fyrir hráefninu og gera mat úr því öllu.

Höfundar eru grænkerarnir og vinkonurnar Hanna Hlíf Bjarnadóttir, Katrín Rut Bessadóttir og Rut Sigurðardóttir.