Förðunarbókin Andlit eftir Hörpu Káradóttur kom í verslanir um helgina. Í tilefni af útgáfunni var haldið útgáfuhóf í dömuverslun Húrra Reykjavík á Hverfisgötu og var fullt út úr dyrum.

Andlit fjallar um allt sem viðkemur förðun og inniheldur fjölda uppskrifta að vinsælum förðunum sem auðvelt er að fylgja eftir. Bókin er fyrir konur á öllum aldri, en yfir tuttugu íslenskar konur sitja fyrir á myndum bókarinnar eftir Snorra Björnsson.