Birna Rún Gísladóttir og Jakob Frímann Magnússon mættu með Katrínu Borg dóttur sína á jólagleði Aurum í gær. Boðið var upp á vel skreyttar piparkökur og góða stemningu og lagði fjöldi fólks leið sína í verslunina.
Í nóvember kynnti Aurum by Guðbjörg nýja skartgripalínu sem kallast Bond. Bond-línan er unnin í samstarfi við styrktarfélagið Göngum saman og rennur allur ágóði hennar til Göngum saman en helsta markmið þeirra er að styrkja grunnrannsóknir á brjóstakrabbameini.
Þetta er ekki í fyrsta skiptið sem Guðbjörg styrkir Göngum saman, í mars á þessu ári hannaði Guðbjörg armband í samstarfi við Göngum saman þar sem 100% af sölu armbandsins runnu til samtakanna og var vinna og efniskostnaður við vinnslu þess allur gefinn.
Armböndin voru seld í takmörkuðu upplagi og er Bond-línan framhald af því samstarfi. Bond-línan er einstaklega falleg og er innblástur línunnar tengsl milli fólks, nánd og ást.