Orange Project hefur opnað kaffihús, Orange Café – ESSPRESSO BAR, við höfuðstöðvar sínar í Ármúla 4. Opnuninni var fagnað með gleði og góðum veitingum á föstudaginn enda margir í nágrenninu á því að gott kaffihús hafi lengi vantað við þessa fjölförnu götu verslunar og viðskipta.
Orange Café býður upp á eðal Illy-kaffi, úrval af tei, bráðholla djúsa, bjór og sérinnflutt léttvín í hæsta gæðaflokki. Hafragrautar, grísk jógúrt, grænir djúsar og salöt eru í boði frá opnun klukkan átta. Á fjölbreyttum hádegisverðarmatseðlinum má alltaf finna góðan fisk og girnilegar kjötmáltíðir.
Þegar líður á daginn tekur svo notaleg barstemning við með „happy hour“ frá klukkan 16 til 19 þar sem bjór, rautt og hvítt eru á góðu verði.