Nína ómaði um allt húsið

Það var allt á útopnu á konukvöldi K100 og Smáralindar í gærkvöldi. Smáralind var troðfull af konum og reyndar líka nokkrum körlum (sem aðallega sáu um að bera pokana fyrir konurnar). Það kemur svo sem ekki á óvart því í öllum verslunum voru mögnuð tilboð sem slæmt er að missa af.

Mikill fjöldi fylgdist með Aroni Hannesi sem tekur þátt í Söngvakeppni Sjónvarpsins í ár. Hann er greinilega orðin poppstjarna því röðin eftir eiginhandaráritunum og myndum með honum var mjög löng! Undir lok kvölds mætti Stebbi Hilmars og tók hina einu sönnu Nínu og allir sungu með!