Lexus LC 500h heillaði upp úr skónum

Farartækin gerast ekki mikið flottari en sportbíllinn Lexus LC 500h sem var frumsýndur á dögunum. Fjöldi fólks kom og skoðaði salinn og sportbílinn sem fluttur var inn sérstaklega fyrir sýninguna.

Salurinn hefur verið innréttaður frá grunni samkvæmt nýjum stöðlum Lexus til að tryggja að vel fari um fólk og bíla. Sýningarsvæðið er búið sérvöldum ítölskum húsgögnum og nostrað hefur verið við hvert smáatriði í húsbúnaði. Yfirbragðið er létt og nútímalegt og aðstaða viðskiptavina er með því besta sem þekkist enda er salurinn búinn nýjustu tækni til að auðvelda val á bílunum. Allt er gert til að upplifun viðskiptavina verði eftirminnileg.