Smartland Mörtu Maríu | Samkvæmislífið | mbl | 2.4.2017 | 12:00

Rannveig Rist tók sjálfu með gestunum

Rannveig Rist tekur sjálfu með Jóhönnu Vigdísi Arnardóttur og dóttur sinni Maríu Jónsdóttur.

Sýningin Element opnaði í álverinu í Straumsvík á HönnunarMars. Raftónlistargjörningur í kerskálanum og ljóðaupplestur í steypuskálanum er á meðal þess sem ber fyrir augu í sýningarsalnum, en viðfangsefni sýningarinnar er ál í íslensku samhengi.

Varpað er ljósi á efnið sjálft og eiginleika þess með sýningu á völdum hlutum, sem sumir eru hannaðir að frumkvæði íslenskra hönnuða en aðrir af iðnaði fyrir iðnað með notagildi að leiðarljósi. Einnig er hugað að tengingum efnisins við orku og landslag.

Sýningarstjórn er í höndum Eyjolfsson, en á meðal hönnuða sem eiga verk á sýningunni eru Tinna Gunnarsdóttir, Garðar Eyjólfsson, iiif collective og Björn Steinar Blumenstein & Johanna Seeleman.

Rannveig Rist, Jóhanna Vigdís Arnardóttir og Haraldur L. Haraldsson við rútuna sem ferjaði gesti á milli staða.

Jóhanna Vigdís Arnardóttir las upp ljóðið Tíminn og vatnið eftir Stein Steinarr í stýrishúsinu í steypuskálanum.

Feðgarnir Pétur Blöndal og Halldór Blöndal með Grétari Má Þorvaldssyni.

Tónlistarmennirnir Stefán Finnbogason og Þórður Jörundsson við listaverk Steinunnar Þórarinsdóttur myndhöggvara sem stendur við höfuðstöðvarnar í Straumsvík.