Ein elsta og rótgrónasta tískuvöruverslun landsins, hjá Hrafnhildi, var með glæsilegt opnunarteiti á dögunum í tilefni af því að verslunin var stækkuð. Nú er hún í 600 fm og afar smart.
Að sögn Ásu Bjarkar Antoníusdóttur eigandahjá Hrafnhildi stofnaði móðir hennar Hrafnhildur Sigurðardóttir heitin verslunina að heimili þeirra í Fossvogi árið 1992.
„Árið 1996 flutti verslunin á Engjateig 5 þar sem hún er staðsett í dag. Fyrsta stækkun á Engjateignum var árið 2000 þegar verslunin tók undir sig alla jarðhæðina og nú höfum við opnað á milli hæða og bætt við heilli 300fm verslunarhæð,“ segir Ása.