Morgunblaðshúsið fylltist af öflugum konum þegar Árvakur, útgáfufélag Morgunblaðsins og mbl.is, bauð til fundar um konur og fjölmiðla. Mary Hockaday frá BBC World Service sagði frá hugmyndum sínum til að jafna hlut kvenna í fjölmiðlum en hún býr yfir mikilli þekkingu eftir að hafa starfað fyrir BBC í þrjá áratugi. 

Hockaday var yfirmaður BBC Newsroom. Hún hefur leitt þróun og uppbyggingu BBC World Servise og kemur einnig að verkefninu Turn Up The Volume en hún var yfirmaður BBC Newsroom.

Þórey Vilhjálmsdóttir ráðgjafi hjá Capacent og fyrrverandi aðstoðarmaður Hönnu Birnu Kristjánsdóttir ræddi um lekamálið og hvernig hennar upplifun hefði verið. Erindi Þóreyjar hreyfði við salnum enda var Þórey hreinskilin og einlæg. 

Anna Lilja Þórisdóttir aðstoðarfréttastjóri Morgunblaðsins velti því fyrir sér í erindi sínu hver væri í fréttum og Hulda Bjarnadóttir fjölmiðlakona og þróunarstjóri Árvakurs fór yfir nýjustu tölur um hlut kvenna í fjölmiðlum. 

Fundurinn var hluti af fjölmiðlaverkefni FKA og Creditinfo.