Það var stórkostleg stemning í Hörpu þegar óperan Tosca var frumsýnd á laugardaginn var. Eins og sjá má á myndunum var afar góð stemning á frumsýningunni.
Tosca er stórbrotið verk í þremur þáttum eftir meistara óperunnar Giacomo Puccini. Tosca fjallar um ástir, afbrýði og átök í skjóli umbyltingartíma í pólitík. Tónlistin í óperunni er rómantísk og einstaklega áhrifarík og Tosca er í dag ein allra ástsælasta ópera sem samin hefur verið.