Birna Anna Björnsdóttir var að gefa út nýja skáldsögu. Bókin heitir Perlan og fjallar um Perlu Sveinsdóttur sem bý í New York. Perla er einkabarn sem alið er upp í Fossvoginum, sannkölluð forréttindatýpa sem verður þekkt á einni nóttu þegar hún byrjar að blogga frá New York.

Bloggið vekur mikla athygli á Íslandi og verður heitasta umræðuefni á kaffistofum landsins. Þetta gerist rétt eftir hrun þegar íslendingar borða slátur og prjóna peysur til að vinna sig út úr kreppunni. Perla verður úthrópuð sem heimsk djammtík sem er með gildismatið á vitlausum stað því hún er ekki að taka slátur eða prjóna sér enn eina lopapeysuna. Síðar blandast Perla inn í sakamál í gegnum fyrrverandi hjásvæfu. Dóp, demantar og djamm blandast inn í þetta svo úr verður mikill hrærigrautur. Frásögnin er spennandi og heillandi. 

Í tilefni af útkomu bókarinnar hélt Birna Anna teiti í Mengi við Óðinsgötu. Eins og sjá má á myndunum var mikið stuð í teitinu.