Ásdís Rán tekur okkur upp á næst stig

Ásdís Rán Gunnarsdóttir veit að það er áskorun að ná langt í lífinu. Hún veit líka hvað við þurfum að gera til að láta drauma okkar rætast. Hún fagnaði útkomu bókar sinnar, Valkyrja, í Eymundsson. 

Ásdís Rán var kornung þegar hún byrjaði að koma sjálfri sér á framfæri. Hún kom sér áfram á sínum eigin verðleikum og hefur aldrei látið neitt stoppa sig. Nú er hún búin að taka saman pakka um það hvernig við eigum að bera okkur að ef við viljum ná lengra í lífinu. Með lífsstílsbókinni Valkyrju getum við spurt okkur spurninga og kafað dýpra! 

Bókin er bæði fræðsla og vinnubók þar sem hver og einn getur tekist á við sjálfan sig með það markmið að ná árangri. Þar er fjallað um hindranir lífsins, velgengni og lífsgildi, mátt jákvæðninnar, markaðssetningu, fyrirgefninguna og listina að vera þokkafull.