Ný kynslóð af Lexus LS 500 Hybrid var frumsýnd hjá Lexus í Kauptúni í gærkvöldi. Fjöldi fólks mætti til að líta þetta flaggskip Lexus augum en um er að ræða sannkallaðan lúxusbíl.

Hann er hlaðinn búnaði sem gerir upplifun ökumanns og farþega einstaka. LS 500 Hybrid sýnir hvert framtíðin stefnir í hönnun, öryggi og tækni. Það sem bíllinn býður upp á er meðal annars japanskt Shiatsu nudd fyrir ökumann og farþega, 24 hátalara 3D Mark Levinson hljómtæki, Analine leður, sem er mýksta leður sem fáanlegt er og 359 hestöfl sem skilar bílnum á  5,5 sekúndum í hundrað km hraða.

Bíllinn er fjórhjóladrifinn og séð er um að sérstaklega vel fari um farþega enda er fótaplássið eins og á lúxusfarrými.

Eins og sjá má á myndunum var mikil kátína í Kauptúni en boðið var upp á góðar veitingar.