Tvítugar stúlkur eftirsóknaverðastar

Christian Rudder, eigandi stefnumótasíðunnar OKCupid, gaf nýverið út bók sem innihélt áhugaverða tölfræði sem hann hefur unnið út frá upplýsingum sem finna má á vinsælum stefnumótasíðum.

Í bókinni, sem heitir Dataclysm, kynnir hann áhugaverðar niðurstöður rannsókna sinna. Niðurstöðurnar eru sumar bæði hneykslanlegar og fremur sorglegar. Niðurstöður einnar rannsóknar Rudders sýna að bandarískir karlmenn á öllum aldri eru hrifnastir af tvítugum stúlkum. Hins vegar eru konur yfirleitt hrifnastar af karlmönnum sem eru einu til tveimur árum eldri en þær sjálfar ef marka má tölfræðiupplýsingar Rudder.

Rudder útbjó töflur sem sýna svart á hvítu hvaða aldur er eftirsóknaverðastur þegar kemur að hinu kyninu. Á töflunni má til að mynda sjá að flestir 49 ára karlmenn sem tóku þátt rannsókninni laðast helst að tvítugum stúlkum og verða þær niðurstöður að teljast sláandi.

Hérna má sjá upplýsingar úr bókinni Dataclysm. Til vinstri er aldur þeirra kvenna sem tóku þátt í rannsókninni og til hægri er aldur þeirra karlmanna sem þær laðast helst að.

Upplýsingar úr rannsókn Christian Rudder eru sláandi en þær sýna að margir eldri karlmenn laðast helst að tvítugum stúlkum.

• Blogga um frétt