Bandarísku hjónin Jesse og Melissa Meek eigan von á sínu fyrsta barni en það væri svo sem ekki frásögu færandi nema fyrir það að Meek-hjónin tilkynntu vinum sínum og vandamönnum að þau ættu von á barni með rappi. Myndbandið hefur nú vakið heimsathygli.
Verðandi foreldrarnir skelltu sér í bíltúr og komu myndbandsupptökuvél fyrir á mælaborðinu. Svo byrjuðu þau að rappa um barnalánið við lagið sem margir kannast við úr þáttunum The Fresh Prince of Bel Air.
Jesse og Melissa Meek settu myndbandið inn á Youtube um páskana og fljótt voru þau komin með milljón áhorf enda er myndbandið afar óvenjulegt og skemmtilegt.