„Sambandsslit eru sjaldan snyrtileg og þau valda yfirleitt mikill sorg. En þau gera manni samt kleyft að vaxa og dafna,“ segir Lotus Kruse í pistil sinn á My Tiny Little Secrets. Kruse hefur gengið í gegnum nokkur sambandsslit og hefur lært eitt og annað af þeim. Hérna koma sjö góð ráð sem hafa hjálpað henni í gegnum erfiða tíma.
Berðu virðingu fyrir tilfinningum þínum
„Ekki dæma sjálfa þig eða bæla niður tilfinningar þínar. Leyfðu þér að finna fyrir tilfinningum þínum, alveg sama hversu heltekin þú ert.“
Vertu þolinmóð
„Það er óþarfi að flýta sér. Þú þarft ekkert að jafna þig á mettíma. Hjartað býr yfir visku sem hugur þinn býr ekki yfir, leyfðu því að ráða ferðinni.“
Treystu ástinni
„Í fyrstu er fellibylur af sorg og sársauka í hjarta þínu, en þú munt jafna þig. Það breytist allt að lokum. Treystu því að ástin muni finna þig á nýjan leik.“
Tjáðu þig
„Ótal lög og ljóð hafa verið samin um ástarsorg. Ég fann leið til að tjá tilfinningar mínar. Ég tók ljósmyndir og skrifaði. Ég byrgði ekki tilfinningar mínar inni, það hjálpaði.“
Farðu vel með þig
„Farðu vel með sjálfa þig. Finndu nýjar leiðir til að næra bæði líkama og sál. Því betur sem þú ferð með þig, því fyrr jafnar þú þig.“
Fáðu stuðning
„Þú gætir þurft að draga fyrir gluggana og slökkva á símanum þegar þú ert að ganga í gegnum ástarsorg. En um leið og þú dregur aftur frá og hringir í mömmu þína eða vinkonu til að ræða málin þá verður allt betra.“
Elskaðu sjálfa þig
„Veittu sjálfri þér unað og fullnægðu þér. Vektu líkamann upp frá dái. Við fullnægingu leysir líkaminn ákveðin hormón úr læðingi, þessi hormón draga úr stressi og þunglyndi.“