Vefurinn Bustle birti nýverið myndband þar sem nokkrir karlmenn voru beðnir um að lýsa og teikna hina fullkomnu píku. Myndbandið er á köflum afar vandræðalegt þar sem að mennirnir virðast vera úti á þekju í umræðunni um píkur.
Maya Kachroo-Levina sem bjó til myndbandið segir að ef það væri eitthvað sem hún hefði viljað gera öðruvísi væri það að láta mennina hugsa um svörin áður en þeir fóru að tala, fá sjónarhorn samkynhneigðrar konu og reynt að takmarka handahreyfingar mannanna.
Mennirnir lýstu píkum á mismunandi hátt, einn sagði þær vera eins og demant í laginu á meðan að annar teiknaði tvö strik og hring á milli til þess að útskýra þær.
Mikil umræða hefur verið undanfarið um aukna kynfræðslu í grunnskólum. Af þessu myndbandi að dæma er komin tími til að taka á málinu.