6 hlutir sem enginn segir þér um kynlíf á efri árum

Þú hefur líklega heyrt um dvínandi kynhvöt og vandamál við holdris þegar kynlíf á efri árum er rætt. Þessu fylgja þó ekki eintóm leiðindi því sérfræðingar eru sammála um að kynlíf batnar bara með aldrinum, líkt og sjá má á pistli sem birtist á vefsíðunni Prevention.

Kynlíf verður ánægjulegra
Samkvæmt rannsókn sem birtist í American Journal of Medicine voru tveir þriðju hlutar kvenna ánægðar með kynlíf sitt, en þeirra á meðal voru konur á níræðisaldri.

Það sem meira er, 67% eldri kvenna sögðu að þær upplifðu oftast, eða alltaf, fullnægingu þegar þær stunduðu kynlíf.

Bólfélagi þinn kann sitt fag
„Allir halda að kynlíf sé best þegar þú ert á milli tvítugs og þrítugs, en það er hreinlega ekki satt“ segir Lauren Streicher, kvensjúkdómalæknirinn og rithöfundur. „Þegar þú ert á þrítugsaldrinum ert þú líklega að stunda kynlíf með fólki á sama aldri. Seinna á lífsleiðinni eru flestir búnir að vinna sér inn meiri reynslu.“

Útlitskröfur geta ruglað fólk í rýminu
Óraunhæfar útlitskröfur samfélagsins setja oftsinnis óþarfa þrýsting á fólk, sér í lagi konur.

Þessi þrýstingur gerir það að verkum að konur eiga erfiðara með að sleppa fram af sér beislinu og njóta sín í bólinu.

Kynlíf með sama einstakling eykur hamingju
Sæði inniheldur gleðihormónin oxytósín og serótónín. Fjöldi rannsókna bendir til þess að konur sem eiga sama bólfélagann í lengri tíma, og nota ekki verjur, séu ólíklegri til að þjást af þunglyndi heldur en kynsystur þeirra.

Nýr bólfélagi getur sett allt úr skorðum
Kona sem hefur átt sama bólfélagann í mörg, en skiptir svo skyndilega um ástmann, getur upplifað óþægindi í kynlífi.

Þetta stafar af því líkaminn getur litið á „nýja“ sæðið sem ókunnan aðskotahlut, og því hrundið af stað ofnæmisviðbrögðum.

Sjortarar missa sjarmann
Eftir því sem konur eldast tekur þær lengri tíma til að örvast kynferðislega, blotna og slaka nægilega á til að njóta kynlífsins.

Þar af leiðandi eru sjortarar skyndilega ekki lengur góð hugmynd.

Sjortarar missa oft sjarmann þegar fólk tekur að reskjast. mbl.is/AFP

• Blogga um frétt