Smartland Mörtu Maríu birti í morgun lista yfir hugmyndir að gjöfum sem myndu gleðja flestar konur á Valentínusardaginn. Hér kemur samantekt yfir það sem gæti glatt karlpeninginn á þessum degi ástar.
Ilmur. Góður rakspíri er eitthvað sem allir karlmenn ættu að eiga, þetta er því gjöf sem steinliggur.
Flík. Vel valin og falleg flík er góð gjöf. Mjúkur trefill, fínt bindi eða kósí inniskór sem dæmi. Allt er þetta eitthvað sem ætti að koma að góðum notum og gleðja á sama tíma.
Bók. Fólk er oft að eyða megninu af deginum fyrir framan tölvu-, síma- eða sjónvarpsskjá. Góð bók er frábær gjöf því það þýðir að þá verður slökkt á raftækjunum og þið getið legið saman uppi í rúmi og lesið.
Dekur. Já, það elska allir dekur! Bjóddu honum upp á nudd heima við eða skellið ykkur saman í heita pottinn og gufu. Þetta getur ekki klikkað.
Bjór eða vín. Uppáhaldsbjórinn eða gott vín er frábær gjöf fyrir þá sem kunna slíkt að meta.
Leikhús. Það er alltaf gaman að brjóta hlutina upp með því að fara í leikhús. Slaufaði bíóinu og skelltu þér á góða sýningu með þínum uppáhalds.