Á bandaríska vefnum Mind Body Green birtist nýverið grein þar sem Ísland er dásamað sem áfangastaður fyrir ferðamenn. Linden Schaffer, eigandi ferðaskrifstofunnar Pravassa, segir í greininni að óspillt náttúra, lágt fargjald frá Bandaríkjunum og lág glæpatíðni einkenni m.a. Ísland. En hvað mælir blaðamaður Mind Body Green með að erlendir ferðamenn geri á Íslandi?
Í greininni er mælt með að túristar:
Fari Gullna hringinn og sjái Þingvelli, Gullfoss og Geysi.
Slaki á í Bláa lóninu.
Rölti á Langjökli.
Smakki íslensku pylsuna.
Prófi íslenska „snakkið“, svo sem hákarl.
Reyni að sjá norðurljósin.
Fari í hvalaskoðun.
Skoði íslenska arkitektúrinn, eins og Hallgrímskirkju og Perluna.