Hvort sem þú deilir herbergisvegg með börnunum þínum, ert í heimsókn hjá tengdó, eða bara eitthvað allt annað – getur hljóðlátt kynlíf stundum verið það eina sem er í boði.
Ekki láta það aftra ykkur, enda getur laumupúkalegt og hljóðlátt kynlíf verið sérlega skemmtilegt.
Vefurinn Women‘s Health tók saman nokkrar stellingar sem eru einstaklega hentugar ef hamagangurinn má ekki vera mikill.
Letihaugurinn
Hvað skal gera: Skelltu nokkrum púðum fyrir aftan bak kærastans, sem á að sitja flötum beinum á rúminu (eða gólfinu). Komdu þér fyrir í kjöltu hans, og komdu fótunum fyrir á rúminu. Þú getur síðan stjórnað hreyfingunum með því að spyrna fótunum. Hristingurinn ætti því ekki að vera mikill, og lætin eftir því.
Öfugur trúboði
Karlinn liggur á bakinu, og konan kemur sér haganlega fyrir ofan á honum. Þessi stelling er ekki hávaðasöm, enda getur hún verið sérlega hentug ef ekki á að vekja þá sem sofa í næsta herbergi.
„Spoon“ augliti til auglitis
Auðvelt er að byrja í trúboðastellingunni, og færa sig svo yfir í þessa. Gott er að nota handleggina til þess að styðja við efri hluta líkama betri helmingsins.