Lögreglan krúttar yfir sig á Valentínusardegi

Ýmsir halda upp á Valentínusardaginn í dag. Svo virðist sem það eigi ekki aðeins við um einstaklinga af holdi og blóði sem eru að hugsa um lífsins lystisemdir með elskhugum heldur jafnvel opinberar stofnanir.

Það á í það minnsta við um lögregluna í Danmörku. Á Facebook-síðu lögreglunnar á Sjálandi var í dag birt mynd af handjárnum og sleikipinna með áletruninni „I love you“. Lögreglan í Danmörku er því á rómantískum nótum á degi elskenda, eða kannski búin að krútta yfir sig.

• Blogga um frétt