Það er oft talað um að syrgjendur fari í gegnum nokkur sorgarstig en þetta á einnig við um sambandsslit. MyDomaine.com segir frá rannsókn þar sem farið er yfir þau fimm stig sem fólk fer í gegnum þegar það hættir saman.
Fyrsta stigið
Fyrsta stigið á sér stað áður en þú áttar þig á því að þú sért með efasemdir. Hugsanirnar eru þar með í undirmeðvitundinni.
Annað stig
Annað stigið á sér stað áður en þú áttar þig á því að þú vilt hætta með maka þínum en efasemdarhugsanir eiga sér stað. Á Þessu stigi er eðlilegt að hugsa „er þetta samband fyrir mig?“ og „það er eitthvað sem er ekki að virka í sambandinu“.
Þriðja stig
Á þriðja stigi ertu meðvitaður um að þú viljir hætta í sambandinu en veist ekki hvernig þú átt að fara að því. Fólk getur verið að fara yfir kosti og galla sambandsins á þessu stigi mánuðum saman.
Fjórða stig
Á fjórða stigi hefur eitthvað gerst og fólk hefur ákveðið að hætta saman. Sumir hætta að tala saman á þessu stigi.
Fimmta stig
Á fimmta stigi er lokauppgjörið, fólk tekur sína hluti og fer með þá heim til sín. Algjör viðskilnaður á sér stað. Ef fólk kemst í gegnum fimmta stigið er sambandinu líklega alveg lokið.