Gwyneth Paltrow ræðir endaþarmsmök

Gwyneth Paltrow er ekki bara leikkona heldur sér hún einnig um lífstílssíðuna Goop.com. Í síðustu viku kom út grein þar sem leikkonan ræðir endaþarmsmök við sálfræðinginn og rithöfundinn Paul Joannides. 

Í viðtalinu kemur fram að nú á dögum þyki eðlilegt að gagnkynhneigð pör stundi endaþarmsmök. Staðreyndin er hinsvegar sú að einungis milli 30 til 40 prósent gagnkynhneigðra para hafa prófað endaþarmsmök. Ekki eru til ábyggilegar rannsóknir á endaþarmsmökum samkynhneigðra en en tölur benda til að það gætu verið minna en 50 prósent samkynhneigðra karlmanna stundi endaþarmsmök. 

mbl.is/ThinkstockPhotos

Joannides segir að gagnkynhneigð pör hafi byrjað að stunda endaþarmsmök eftir að það varð algengt í klámmyndum. Eftir að klám varð aðgengilegt á internetinu hafi endaþarmsmök í klámi orðið enn algengara. Raunveruleikinn endurspeglar hinsvegar ekki klámheiminn en einungis um 10 til 15 prósent gagnkynhneigðra para stunda endaþarmsmök reglulega.

mbl.is/Thinkstockphotos

Hann leggur jafnframt áherslu á að það þurfi að fara varlega í endaþarmsmökum. Fólk ætti að lesa sig vel til og þjálfa vöðvana í rassinum í því að slaka á. Mikilvægt væri að nota sleipiefni en varast efni sem gera fólk dofin í rassinum. Auk þess sem að traust skipti miklu máli, fólk ætti að fylgjast vel með sársauka. Fæstar konur fá fullnægingu við endaþarmsök nema að snípurinn sé örvaður um leið.

• Blogga um frétt