Flestar konur þurfa hjálp til að fá fullnægingu

Margar konur hafa aldrei upplifað að fá fullnægingu eftir að hafa stundað kynlíf í leggöng. Vefurinn Popsugar leitaði því á náðir læknisins dr. Charlie Glickman sem átti ekki í neinum vandræðum með að ráðleggja ráðþrota konum sem var farið að lengja eftir fullnægingu.

„Mikilvægast er að hafa í huga að flestar konur (allt að 70% samkvæmt rannsóknum) þurfa að örva snípinn til þess að fá fullnægingu. Ef þið eruð í þeim hópi ráðlegg ég ykkur að bæta við örvun á snípinn í bland við kynlíf í leggöng,“ segir dr. Glickman og bætir við að konur geti notað eigin fingur, fingur bólfélagans eða titrara.

„Ef bólfélagi ykkar rígheldur í þá hugmynd að það ætti ekki að þurfa aukaörvun munið þá að meirihluti kvenna er í sömu stöðu. Það er ekkert athugavert við að þurfa að örva snípinn til þess að fá fullnægingu.

Margar konur geta ekki fengið fullnægingu án þess að örva snípinn. Þá eru titrarar mikið þarfaþing. Thinkstock / Getty Images

• Blogga um frétt