21 árs og með áhyggjur af meydómnum

21 árs gamall háskólanemi leitaði ráða hjá ráðgjafa The Guardian en hún hefur áhyggjur af því að vera hrein mey. 

Ég er 21 árs gömul kona og enn þá hrein mey. Ég hef átt í töluverðum erfiðleikum í fortíðinni vegna átröskunar. Eftir að ég hætti í skóla fannst mér erfitt að eignast vini af því ég einangraði sjálfa mig. Ég er á betri stað núna, en er enn frekar einmana. Ég var að klára fyrsta árið mitt í háskóla og það að vera hrein mey er farið að íþyngja mér.

Ráðgjafinn sér ekki ástæðu fyrir því að hafa áhyggjur og bendir henni á að fara varlega í sakirnar. 

Reyndu ekki að láta hópþrýsting láta þér líða ömurlega. Þú átt mun betra skilið. Trúðu á að kynvitundin muni þróast á góðum tíma. Vandamál þín við átröskun, einangrun og einmanaleika lætur þér líða öðruvísi nú þegar og ég er viss um að þig langi til að finnast sem þú tilheyrir samnemendum þínum. En að þróa getu til að tengja kynferðislega á öruggan hátt við einhvern er aldrei auðvelt og ætti alls ekki að vera gert í flýti eða í uppgerð. Þvert á móti því sem margir halda er kynlíf ekki auðvelt og náttúrulegt, það þarfnast þess að fólk læri inn á hvernig þeirra eigin líkami virkar og síðan að læra hvernig hægt er að deila því með öðrum. Það besta fyrir þig er að einbeita þér að því hafa einfaldlega gaman með öðrum, konum og körlum í ókynferðislegum aðstæðum. Þegar þú kynnist fólki ertu mun líklegri til þess að finna fyrir þrá. Á þeim tímapunkti geturðu tekið meðvitaða ákvörðun um að framfylgja tilfinningunum eða ekki. Þetta þarf að vera val frekar en blind þrá byggð á áhyggjum um geta strikað eitthvað út af listanum.

Rágjafinn mælti með því að hún flýtti sér ekki um of. mbl.is/Thinkstockphotos

• Blogga um frétt