Það getur verið erfitt að segja frá kynferðislegum löngunum sínum en jafnvel þó að þeir sem við elskum mest viti ekki hvað okkur órar eru miklar líkur á að tölvurnar viti það. Rannsóknir hafa sýnt fram á það að bæði konur og karlar horfi á klám, og hvernig klám þú horfir á segir margt um þig og þína draumóra.
Rannsóknarmaður frá Harvard-háskóla, Seth Stephens-Davidowitz stýrði rannsókn til að finna út hvað leitarniðurstöður netsins segja til um kynferði fólks. Rannsóknarmennirnir greindu upplýsingar frá stærstu klámsíðum netsins og ræddu svo niðurstöðurnar í viðtali við VOX.
Gögnin sem komu fram úr rannsókn Stephens-Davidowitz sýndu meðal annars fram á það að fleiri samkynhneigðir menn eru enn í skápnum en fólk hélt, margir menn eru meira fyrir konur í yfirstærð en þeir hafa þorað að viðurkenna og margar konur eru hræddar um að maður þeirra sé samkynhneigður.
Það sem kom mest á óvart samt sem áður voru niðurstöður rannsóknarinnar um klámáhorf kvenna.
„20 prósent af klámi sem konur horfa á er um tvær konur að stunda kynlíf,“ sagði hann. „Mjög mikið af gagnkynhneigðum konum horfa á lesbískt klám,“ hann bætti einnig við að margar konur horfi á gróft eða ofbeldisfullt kynlíf.
„Ég hata að segja þetta því karlrembur elska að heyra þetta, en konur horfa mun meira á ofbeldisfullt klám en menn. Hlutfall kvenna sem horfa á gróft klám er eins um allan heim, það tengist því ekkert hvernig er komið fram við konur í því landi,“ sagði Stephens-Davidowitz.