Samskiptahæfileikar skipta miklu máli hvort sem það eru munnlegir hæfileikar eða það sem sagt og gert er án orða. En sá samskiptahæfileiki sem skiptir mestu máli að sögn sálfræðiprófessorsins Susan Krauss Whitbourne er hæfileikinn að geta haldið góðu náttúrlegu flæði í samræðum.
En það sem Whitbourne á við er það að geta átt í samræðum þar sem það kemur ekki upp óþægileg pása. „Allir hafa upplifað þessar óþægilegu félagslegu stundir þar sem það er alltof langt hlé á samræðum eða þú hefur óvart truflað hina manneskjuna,“ skrifaði Whitbourne í Psychology Today. En samkvæmt nýrri rannsókn geta þessar truflanir haft alvarlegar afleiðingar og bent er á að fólk ræður frekar fólk í vinnu sem það getur átt þægilegar samræður við eða fer á stefnumót með því.
Auðveldasta leiðin til að koma á góðu flæði er að leyfa hinni manneskjunni að tala og hlusta vel. Þannig er auðveldlega hægt að koma í veg fyrir þessa árekstra.