Sumir hata að veita karlmönnum munnmök og svo eru aðrir sem elska það. En þó svo að einhverjir hafa ánægju af því að veita munnmök eru líklega nokkur atriði sem karlar eiga til með að gera sem falla ekki í kramið. Cosmopolitan fór yfir þessi atriði.
Að fá fullnægingu án þess að láta vita
Það er ágætt að fá smá aðvörun áður en allt spýtist upp í kok.
Krafa um að fara á hnén
Ef þessi staða er þægileg fyrir báða aðila er allt gott og blessað. En ef gólfið er hart þá á sá aðili sem er að veita munnmökin skilið að fá að fara upp í rúm eða sófa.
Halda um höfuðið og þrýsta því að sér
Þetta er ekki þægilegt fyrir þann sem er að veita munnmökin. Leyfðu manneskjunni að stjórna og ráða hversu mikið fer inn í munn hennar.
Hreinlæti
Ákveðið hreinlæti þarna niðri er ef til vill lágmarkskrafa sem hægt er að gera. Það er sniðugt að skvetta smá vatni þarna niðri og skola af sér pungsvitann áður en leikur hefst.
Hljóð
Það er þakklát að gefa frá sér hljóð. Hvort sem það er dónalegt tal, stunur eða ábendingar um hvað sé gott.
Of langt
Það tekur menn að sjálfsögðu mislangan tíma að fá það í munnmökum rétt eins og í samförum. Ef þú sérð að manneskjan sem er að veita munnmökin er að reyna koma sér betur fyrir til dæmis eins og hún sé orðin þreytt í öxlunum þá er komin tími á að breyta um stöðu eða gera eitthvað annað. Hinn aðilinn er jafnframt hvattur til að segja eitthvað.
„Sjúgðu typpið mitt“
Þessi skipun er ekki vinsæl hjá öllum. Betra er að biðja á nærgætnari hátt.
Væntingar um að manneskjan vilji kyngja
Ekki ætti að gera væntingar um að manneskjan vilji endilega kyngja eftir munnmök. Sæði er ekki það versta sem hægt er að kyngja en það er ekki beint hægt að segja að það sé heldur það besta.
Að láta eins og tott sé sjálfsagt
Munnmök eru ekki sjálfsagður hlutur og það er ágætt að bjóðast til að endurgjalda í sömu mynt.
Neita að fara niður á konu
Karlmaður sem þiggur munnmök frá konu og vill síðan ekki borga í sömu mynt ætti að hugsa sinn gang.