Sannleikurinn um brúðkaupsnóttina

Fólk ímyndar sér oft að frábært og rómantískt kynlíf sitji punktinn yfir i-ið á brúðkaupsdeginum. Cosmpolitan fékk nokkra menn til þess að deila því með hvernig kvöldið endaði hjá þeim á einum stærsta degi lífs þeirra, brúðkaupsdeginum. 

Rob, 31 árs

„Í hreinskilni, við vorum of þreytt í lok brúðkaupsins að við sofnuðum. Morguninn eftir þurftum við að vakna snemma til þess ná flugi fyrir brúðkaupsferðina. Við stundum fullt af kynlífi fyrir og eftir. Brúðkaupið var bara svo mikill hvirfilvindur að við sofnuðum án þess að ætla það.“ 

Seth, 29 ára

„Það var frábært. Við ákváðum að gera nóttina sérstaka. Við létum setja upp kerti og rósablöð (sérstakar þakkir til brúðarmeyjanna fyrir þessa vandræðalegu vinnu). Konan mín var í undirfötum og ég var í fínum nærbuxum. Við vorum með olíur og annað og skemmtum okkur vel og pössuðum að nóttin væri rómantísk og sérstök.“ 

Matt, 28 ára

„Ég var til í brúðkaupsnæturkynlíf en konan mín sofnaði á meðan ég var á klósettinu. Til þess að vera sanngjarn þá var hún búin að vera vakandi mjög lengi og við vorum bæði búin að vera á hlaupum þennan dag. Það tekur á að giftast. Við bættum þó algjörlega upp fyrir það í brúðkaupsferðinni.“

Anthony, 30 ára

„Það var gott en hvorugt okkar var upp á sitt besta þetta kvöld. Ég vil ekki segja að mér fannst ég tilneyddur til þess að stunda kynlíf, en það er þessi hugmynd um brúðkaupsnóttina. Við skemmtum okkur vel en brúðkaupsferðarkynlífið var svo miklu betra. Ég held að það sé þetta nýja brúðkaupsnæturkynlíf og hugmyndin um brúðkaupsnóttin sé mikilvæg er frekar úrelt.“

Zack, 28 ára

„Ég veit ekki hvernig það gerðist en foreldrar hennar komu með fullt af gjöfum á meðan við vorum að gera það. Ég veit ekki af hverju þeim fannst það góð hugmynd að opna hurðina (ég held að fyrr um daginn þegar allir voru að gera sig til hafi mamma hennar fengið auka lykil). Þau voru að reyna að hjálpa, held ég og þrífa en ég meina, halló. Allir vita hvað gerist í brúðkaupssvítunni. Mér líður ekki illa yfir því. Þau gerðu sjálfum sér þetta. En þetta svarar spurningunni þinni: nóttin var eyðilögð.“

mbl.is/Thinkstockphotos

Tom, 29 ára

„Hún var mjög indæl. Annarsvegar þá var þetta ekkert sérstakt en hinsvegar var þetta sérstakt af því að þetta voru tímamót og bara falleg nótt og við vorum tengd.“

Scott, 28 ára

„Við áttum venjulegt og frábært kynlíf og pöntuðum síðan pizzu og borðuðum hana nakin upp í rúmi af því við vorum ekki heima, þannig já þetta var góð upplifun.“

Will, 28 ára

„Konan mín fór upp til þess að skipta um föt fyrir eftirpartýið. Hún kom ekki aftur niður þannig ég fór upp og athuga með hana og hún var sofandi í brúðkaupskjólnum sínum. Ég snéri mér við og eyddi brúðkaupsnóttinni með gestunum og fór upp seinna. Hún var ennþá sofandi. Brúðkaupsnóttin okkar varð að brúðkaupsmorgni.“

• Blogga um frétt