Það er vinsælt meðal stjarnanna að gifta sig á Ítalíu enda afar fallegt og rómantískt land sem býður upp á fullt af góðu víni í veisluna. People tók saman nokkur stjörnupör sem létu ekki smá ferðalag frá Hollywood til Ítalíu koma í veg fyrir draumabrúðkaupið á Ítalíu.
George og Amal Clooney
Leikarinn og mannréttindalögfræðingurinn giftu sig í Feneyjum í september árið 2014.
Kate Upton og Justin Varlander
Ofurfyrirsætan og hafnaboltaleikmaðurinn giftu sig fyrir stuttu á Ítalíu. Þrátt fyrir að það væri farið að hausta á Ítalíu var athöfnin haldin úti.
Neil Patrick Harris og David Burtka
How I Met Your Mother-stjarnan og leikarinn Burtka giftu sig á Ítalíu árið 2014 og var tónlistaratriði frá Elton John einn af hápunktum veislunnar.
Kim Kardashian og Kaney West
Raunveruleikastjarnan og tónlistarmaðurinn giftu sig í maí 2014 í Flórens á Ítalíu. Gestirnir mættu þó fyrst til Frakklands þar sem hjónin buðu til upphitunarveislu í Versölum. Sagan segir að Flórens hafi orðið fyrir valinu þar sem að dóttir þeirra North kom undir í borginni.
John Legend og Chrissy Teigen
Tónlistarmaðurnn og fyrirsætan giftu sig árið 2013 við vatnið Como á Ítalíu.
Tom Cruise og Katie Holmes
Leikarahjónin fyrrverandi giftu sig í nóvember árið 2006 við vatnið Bracciano á Ítalíu. Sólsetrið fullkomnaði athöfnina en hjónabandið endaði þó illa.
Emily Blunt og John Krasinski
Leikarahjónin giftu sig árið 2010 og rétt eins og Legend og Teigen giftu þau sig við vatnið Como. George Clooney hefur kannski haft áhrif á staðarvalið en hann á hús við vatnið og er vinur Krasinski.
Justin Timberlake og Jessica Biel
Söngvarinn og leikkonan giftu sig á Ítalíu árið 2012.
Sofia Coppola og Thomas Mars
Leikstýran og söngvari hljómsveitarinnar Phoenix giftu sig sumarið 2011 í sögufrægri byggingu sem leikstjórinn Francis Ford Coppola, faðir Sofiu Coppola, á.
Salma Heyek og François-Henri Pinault
Leikkonan og franski milljarðamæringurinn létu ekki nægja að gifta sig í febrúar árið 2009 í París heldur héldu brúðkaupsveislu í Feneyjum rúmum tveimur mánuðum seinna.