Ashley Cole svaf hjá flugfreyju

Fótboltamaðurinn Ashley Cole og fyrrum eiginkona hans, Cheryl Cole, voru komin á gott ról með að byrja aftur saman þegar það fréttist að því að hann hafi sofið hjá flugfreyju. 

Það ætti kannski ekki að koma á óvart þar sem Ashley er með eindæmum kvensamur. Þau skildu í fyrra þegar hún komst að því að hann hafi haldið grimmt framhjá henni. 

Nú berast fregnir af því að hin dökkhærða Kerry Meades, sem er flugfreyja í Los Angeles, hafi sofið hjá kyntröllinu í síðasta mánuði eða nokkrum dögum áður en Ashley mætti í 28 ára afmæli Cheryl Cole. 

Að sögn Kerry er þetta ekki í fyrsta skipti sem hún sefur hjá Ashley því þau hittust fyrst 2004. Hún sagði í samtali við Sunday Mirror að Ashley hafi látið eins og hann væri einhleypur.

„Þegar ég var með honum lét hann eins og hann væri einhleypur. Þegar hann hætti að hringja vissi ég að þetta væri búið og þá leið mér eins og ég hefði verið notuð.“

Hún segir að Ashley hafi ekki hugmynd um hvernig eigi að tríta konur. 

„Ég átta mig á því núna að auðvitað var hann á leið aftur til Cheryl. Ég myndi alls ekki vilja vera kærastan hans því það er ekki hægt að treysta honum. Ég vorkenni Cheryl. Ég myndi hætta með honum áður en það verður of seint.“

Cheryl Cole og Ashely Cole. AP

• 5 blogg um fréttina

Bloggað um fréttina

• Kristín M. Jóhannsdóttir: Tölum endilega íslensku
• Gísli Foster Hjartarson: Nú vilja allir sofa hjá Kerry!!
• Heimir Lárusson Fjeldsted: Aum frétt
• Axel Jóhann Hallgrímsson: Eru flugfreyjur skaðræðisgripir?
• Jóna Kolbrún Garðarsdóttir: Lauslæti