Sunddrottningin Ragga Ragnars fann ástina í lauginni

Sunddrottningin Ragnheiður Ragnarsdóttir bjóst ekki við því að hnjóta um ástina þegar hún keppti á HM í Kína á dögunum. Þegar ástin er annars vegur getur þó ýmislegt gerst. Síðasta kvöldið á HM hitti hún Gerhard Zandberg, sem er afrekssundkappi frá Suður-Afríku, og hafa þau verið óaðskiljanleg síðan. Zandberg fékk bronsverðlaun í 50 m baksundi á HM í Shanghai í síðasta mánuði. Hann hefur verið í fremstu röð sundmanna í heiminum til margra ára og hefur keppt fyrir hönd Suður Afríku á tveimur síðustu Ólympíuleikum.

Hann er staddur hérlendis þessa dagana en parið er á leið til Suður Afríku þar sem þau ætla að dvelja næstu mánuðina.

„Við erum að fara til Suður-Afríku að æfa núna í lok vikunnar. Við taka stífar æfingar fyrir  Ólympíuleikana. Þetta verður bara gaman,“ sagði hún í samtali við Smartland Mörtu Maríu. 

Ragnheiður Ragnarsdóttir og Gerhard Zandberg. mbl.is

• Blogga um frétt